0

解除所有束縛,完成以前訂下的目標

Rebirth

一個月前嘅我為咗準備公開試,抑壓住自己各種嘅負面情緒,令自己唔好再亂咁諗嘢,而今日喺我考公開試嘅最後一日,過後我就唔再擁有「學生」呢個身份。我的確有存在不捨,但同時呢個時候又意味住我再冇籍口去俾自己休息、俾自己得過且過。

對於我而言,每一個我俾自己嘅承諾,都唔會有放棄嘅存在,我一直認為如果連自己應承自己嘅事都完成唔到,我會好睇唔起自己。所以,既然當初我應承自己完喺公開試完後達成自己嘅目標,我就一定會去做,不論件事有幾困難,我有幾唔願意去做,我都唔會再去逃避。

我仲好記得,我應承過自己要喺考完公開試之後改變自己,令自己變成一個更好更有條件嘅人。我同自己講過,我一定要喺呢段時間操fit自己,學習一啲我之前因讀書而錯過咗嘅技能,搵一份自己有興趣嘅part time,更重要嘅喺要去追尋那一個她。正正因此,我有一種前所未有嘅期望,希望未來能夠完成我想做嘅每一件事。

由等考試到考完試,我過程中都有感到過迷茫,我對自己成績唔喺太擔心,反而我喺驚搵唔到或者完成唔到我未來嘅人生目標,令到我不時出現質疑自己嘅情況。但我的確好感恩身邊有人可以去開解我,同我分析一下件事,令我可以重拾自己嘅決心。

的確,我深深感受到前路並唔易行,我都冇百分百嘅信心可以令到件事有完滿嘅結局。然而,我相信,呢個喺我最後一個完成自己目標嘅機會,假如我連最後機會都唔把握,我只會抱著遺憾走過這一個青春。美好的東西總是要付出努力。

呢一刻,我抱住決心,同自己講,我要好好完成多年來自己未完成的目標,好好把握每個機會。

發表回應