0

人總要面對離別,回憶只是海市蜃樓

Goodbye

熱鬧嘅氣氛往往會令人陶醉,大家能夠聚首一堂,渡過一個愉快嘅晚上,當中嘅回憶的確令人回味無窮,我相信我永世都唔會忘記當晚嘅每一個片段,我有多希望能夠回到當晚,刻劃更多更深刻嘅回憶。

曾經的我為當晚而期待,但現在的我卻為當晚而失望,我現在才明白這一切已成過去,回憶化成一片又一片的碎片,刺痛我的心靈。的確,有不少的人和事總是讓人難以放下。

我好記得我曾經聽講過一句嘢,話人生是由無數嘅離別組成。六年前我地有緣聚集一齊,六年後大家就有各自各的生活,相熟嘅固然可以經常見面,但唔熟嘅可能就唔會再見……有好多嘢,當見到面嘅時候可能覺得日後總有機會講,但過後先發現原來當日已經喺大家最後可以見到嘅日子,先知道原來自己錯過咗好多嘢,有好多嘢喺未完成,也許日後都唔會再有機會,嗰刻你先至發現一切已成過去…..離別的確令人感到痛苦徬徨。

有人話,人會隨着成長便會學會放下,但其實放下真喺能夠「學會」嗎?抑或喺現實迫使自己一定要放下?人面對離別總會感到不捨,但你又能否憑一己之力去改變?

當晚,我地被熱鬧嘅氣氛包圍,大家有講有笑,一齊影相,享受同朋友共聚一起嘅時光。然而第二日醒來,先發現熱鬧已經飛逝,當晚嘅情境已經不再,你已經再唔能夠回到當晚,去寫下一個更完美嘅故事,你打開手機,發現留下嘅只喺一張又一張嘅相片同埋似是而非嘅記憶,呢一刻嘅你當然對所有人和事都印象深刻,但隨住時間嘅過去,記憶只會變得更加模糊。

如果可以嘅話,我好想時間可以喺當晚停留,至少俾我可以活得更開心,但其實這一切都喺自己幻想出嚟。人生漫漫長路,總要面對更多離別,但願我總有一天能「學會」放下。

「心臟沒有那麼脆弱 總還會有執著 人生不會只有收穫 總難免有傷口」

有緣再會。

發表回應