0

新的生活,新的憧憬

Goodbye

不知不覺間自己已經踏入咗大學一段時間,亦都好耐冇更新過任何嘢。我仲記得以前我一直擔心我會無法適應大學生活,有一段時間對入大學好抗拒,但過咗一排先發現原來一切都喺自己杞人憂天,發現生活反而帶俾我更多自由…我好感恩喺入面識到第一班叫做傾得埋嘅朋友,令我呢幾個月嘅U life都過得好愉快。

仲記得幾個月前,當我脫離咗中學生活,有一段時間一直處於頹廢狀態。的確,我有好多好多嘢都唔捨得,但時間往往是殘酷,有好多嘢你不得不放低。雖然呢一刻我依然有懷念以前嘅日子,但已經唔會再因為咁而影響到自己嘅情緒…This really makes me feel better…或者時間真喺可以令一樣嘢去慢慢淡忘吧….

我曾經以為,當自己錯過咗一啲嘢嘅時候,可能日後都唔會再遇到同樣嘅機會,然而呢種心態似乎令到我失去咗追求人生目標嘅動力。老實咁講,當我知道自己有大學讀果陣都冇特別開心,因為我嘅果陣嘅目標並唔喺入大學..我一直抱住一個得過且過嘅態度去面對一切。

或者個天想話俾我知,人生不應只應該留戀以前嘅事物,向前看先至喺最重要…..我入面去之後,見識到好多唔同嘢,大學帶俾嘅我一種同以前完全唔同嘅人生體驗,一種陌生嘅體驗,但喺同時帶俾我一種消遙自在嘅感覺…Perhaps you have to get used to new things every time.

自從當晚嘅「離別」之後,我再冇見過佢….我以為我無辦法放低呢件事,以為自己未來都會活喺傷痛之中….但也許時間真喺能夠沖淡一切,使傷口痊癒,令我重拾新嘅人生意義,我好感恩大學能夠為我帶嚟一個新嘅人生轉折點,慶幸自己能夠入到大學,否則我相信我依然會停濟不前……

原來已經三個月了,亦到嚟到 Sem A 嘅尾聲,呢一段時間入面我經歷不少,遇到不少人和事,茫茫世界中搵到新嘅目標,新嘅意義…或者我不應再好似以前咁令機會白白錯失,汲取咗以前嘅教訓,我明白到有好多嘢唔爭取喺唔會得到….No more excuses and I will do whatever I can to pursue it.

一個月後就 Sem break,雖然感覺上前路有阻滯,有啲嘢並非好似理想般咁順利,但喺我都會諗盡方法完成到呢件事….I am ready for everything and I will never let another chance slip away.

May god bless me.

發表回應