0

一年雖已逝去,路卻要走下去

不經不覺一年又已經過去…其實 2016 對我而言喺好特別嘅一年,同時都喺過得最快嘅一年….呢一年入面我實在經歷咗太多嘢,好充實,但同時都經常俾自己情緒影響住..所以我應承自己未來一年唔可以再咁樣..我一定要理性一啲,唔可以再俾感性影響到自己。

2016實在發生咗太多嘢,年頭嘅我一直準備應考 DSE,唔夠一個月就已經 last day…果一刻感覺上就好似離開一個熟悉嘅環境,好唔習慣…..Study leave 之後冇耐就開始考 DSE,我仲記得當我踏入考場果一刻,我腦海喺一片空白,因為我從來冇諗過時間會過得咁快,冇諗過咁快過就要面對當年自己覺得離自己好遙遠嘅嘢。可能我唔並唔喺一個好自律嘅人,至少喺學業方面,我冇好認真咁溫到書,所以考試期間我一直都好驚自己會考得差……不過呢段日子好快就已經過去咗…DSE 過後另一樣嘢就喺 grad din…我仲記我果陣我為咗佢準備咗啲嘢,因為咁而花咗自己唔少時間同努力….但好好彩咁所有嘢都喺自己預期之內完結,算喺上對得住自己嘅付出吧….自從 grad din 完咗之後,一切都好似已經成為過去,我已經好似唔能夠再完成我未做到嘅事,果陣嘅我好似失去咗人生目標,過住一啲頹廢嘅生活…..整個上半年嘅生活俾我嘅感覺喺充滿住離別,令我時時刻刻都好掛住以前嘅生活。

而下半年就隨住放榜開始而展開,由驚入到大學會唔適應,到享受大學生活,時間的確唔長,但當中我的確經歷咗好多嘢。我仲記得我去註冊果日我仲考慮緊報唔報 ocamp 好,經過我一番考慮之後都喺決定去玩下,然而呢個決定喺冇做錯到。喺我兩 camp 入面,我識到一班人,玩得好盡興。同時我都喺 ocamp 入面搵到一啲自己想追求嘅嘢,令到我能夠重新為自己搵到動力,假如我當初冇去到,我應該會錯過咗好多嘢…或者命運注定我要做咁嘅決定,令我有機會去見識更多….

不知不間我已經完成咗第一個 Sem,至少我呢一年的確見識咗好多新事物,都失去咗唔少回憶..但人生漫長,總要面對更多類似嘅情況,我只能夠一直走下去,搵一條屬於自己嘅路。

或者 2016 我仲有唔少目標未達成,但我並唔會放棄追尋自己想要嘅嘢。有好多嘢我決定咗,就冇打算放棄,即將有機會面對失敗。

我相信 2017 將會面對更多唔同挑戰,但我都唔會俾籍口自己休息。而對於自己想追尋嘅嘢,我一定會盡力去完成,我明白到有好多嘢唔付出喺唔會得到,付出同收獲往往都喺成正比…

There is no easy way in the future, but i’m gonna fight hard….

希望未來呢年如果我感覺到失落,冇動力嘅話,我睇翻呢篇文會令自己想繼續奮鬥落去。但願我會做到自己想做嘅嘢,追尋到自己嘅目標,算喺對自己一個交代,唔好白白浪費自己嘅努力吧…

I am willing to pay as much as i want……

發表回應