0

一直想堅持下去,但原來並不是這麼容易

睇翻我第一篇寫嘅 blog 原來已經喺年幾之前,我記得當初我重新寫翻 blog 嘅原因並唔喺為咗俾啲咩人睇,而喺想為自己提供一個抒發心事嘅途徑。我一直都知自己都喺一個易受情緒影響嘅人,但奈何有啲嘢又真喺好難開口同人講,所以想通過文字去表達自己嘅心情,都希望令到未來嘅自己睇翻,回顧一下我當初喺一個點樣嘅人…..原來我都堅持咗寫 blog 一段時間….見證住我喺呢一年間嘅心態轉變….睇翻以前,有啲嘢的確喺可笑,但同時我都發現有一啲當初俾自己嘅目標,喺一年之後,都仲未完全達成。或者有啲嘢當初諗得太過簡單,以為所有嘢都會跟住自己嘅 expectation 去行,但現實住住同理想喺相反,總會遇上唔同嘅阻濟,可能有好多嘢真喺要一步步咁嚟….

我記得我喺考完 dse 之後為自己訂咗幾個目標,最重要嘅其中兩個就喺操 fit 自己同學好音樂….呢兩樣嘢我喺呢十個月以來一直都冇放棄到,我每日都會堅持咁分配好時間俾呢兩樣嘢,但其實我發現,有啲嘢有堅持喺重要,但能唔能夠喺短時間入面完成又喺另一件事。

先講做 gym 呢個目標,我一直都有 keep 住,set 咗好多唔同嘅 target 俾自己,雖然依家嘅我相比起當時已經有進步,但我發現去到某一個位置,自己好難搵到一個突破,儘管自己好想有進步,但總喺 push 唔到自己去再進步,老實講,我發現自己停濟不前….有時候真喺覺得有啲迷茫…..我迷茫嘅原因唔喺因為我嘅目標唔清晰,而喺我唔明白我除咗堅持仲有啲咩…..我嘗試過好多唔同方法,但只能夠維持到依家嘅狀態,好難再突破到….到底要再堅持多幾耐先會達到當初想要嘅目標呢?希望不久嘅將來我睇翻呢篇文,我會搵到答案。

之後就喺音樂方面,我記得當初我因爲一個人要接觸音樂,之後我慢慢先發現原來自己對音樂都有興趣,所以我自此都承諾自己未來一定要好好去學習音樂….喺呢一段日子入面,我有堅持每日最少花四個鐘落音樂方面….相比起做 gym 呢方面,我喺音樂上嘅進步更加明顯,正因如此,我對音樂呢方面嘅動力愈嚟愈大……但喺我到依家發現我好多時練習都喺自己一個人,令到我一旦喺人地面前表演,往往會成日失誤,經常都達唔到自己覺得應有嘅水平…..有好多我平時練習做到嘅嘢,一出到去就完全做唔到,呢樣嘢的確令到我有少少 discouraging……我好努力咁嘗試克服呢個問題,希望喺不久嘅將來我能夠好好咁喺人地面前表演…

到最後,原來第二個 sem 不知不覺間都已經就嚟完結,我一定要把握時間,唔好再好似以前咁白白錯失好多機會….既然有啲嘢自己想要嘅,就一定要去做………I always dream of you for being part of my life…I hope I could do this in the future….

雖然有好多嘢唔似我嘅 expectation…但我好肯定嘅喺,我唔會放棄以上任何一個目標,我依然會堅持落去,直到完成為止…..

發表回應